「其實聾都好㗎，瞓覺嘅時候唔使畀周圍嘈，可以瞓得好舒服；有時人哋講粗口或者難聽嘅說話時，我又可以聽唔到，都幾開心吖！」性格樂觀的林向玲娓娓道來。二十四歲的向玲因為兩歲半時發高燒導致深度弱聽，需戴助聽器。然而，她憑着個人的毅力及信心，去年成功完成大學電腦學位課程，現職電腦程式員。

向玲幼年喪父，由母親獨力撫養她及妹妹。隨着母親年紀漸長，體弱多病，現已再沒工作，一家三口的生活開支，全靠任職電腦程式員的向玲負擔。
回想在校園的日子，向玲最感艱辛是讀大學的三年歲月，因為老師全以英語教授，書本亦以英文為主，對於向來以母語學習的向玲來說，無疑是一項極大挑戰。

付出精神及時間
「上堂嘅時候完全聽唔明老師講乜，好彩有同學幫我寫筆記，然後講解畀我聽；又試過同同學一齊做project，開會嘅時候，佢哋講得好快，我都聽唔到，不過我會主動叫佢哋講慢啲或者寫出嚟，如果再唔明白，我都會用icq問功課。」表情豐富的向玲，恐防記者不明白她所說，不時會用一些動作及笑容向記者表達。
向玲這個電腦學位得來不易，因為無論在精神及時間上，她都要比一般同學付出更大的努力。雖然向玲曾想過放棄，但每想到能夠有機會升讀大學，她便忘記所有辛酸，繼續向前。向玲認真地說：「我想學多啲嘢，搵份好工，見好多同學畢業之後都係做文員，我想嘗試搵其他嘅工作，擴闊自己將來路向。」