香港著名形象設計師劉天蘭，從報道得悉日本時裝大師高田賢三離世後大感惋惜：「好可惜，仲要係武肺帶佢走，雖然81歲，但覺得佢好healthy。」她對大師種種都非常欣賞和敬佩：「Kenzo的設計色彩斑斕，佢嘅設計畀人一種好明亮嘅感覺、好fun、好happy嘅氣氛，尤其係jungle print。」她稱大師為先鋒，將日本傳統文化帶到當年主導整個時尚界的巴黎。

另一香港時裝設計師鄧達智對高田的離世大為嘆息，「佢係第一個亞洲設計師喺巴黎成名，當時巴黎人叫佢JAP，佢做好多好大膽嘅針織，將日本元素、中國元素加入服裝入面，例如日本和服cutting、中國農民農村牡丹花棉襖，以至後來轉咗去做嘅一啲摩登軍裝、偏重玫瑰等。」他指高田為後來者搭橋鋪路，「冇佢樹立起旗幟，未必會有七、八年後， Yohji Yamamoto佢哋呢批設計師有信心咁快踩入去歐洲呢個版圖，所以佢係一個iconic人物。」Joyce Boutique在上世紀80年代引入Kenzo到香港，其後和I.T都有合作。

更多精采時尚內容，盡在http://add.appledaily.com。