現年47歲嘅韓國「氧氣美女」李英愛，近日正忙於拍攝新片《尋找我》，之後就會演出新劇《異夢》做女間諜。雖然愛姐工作忙不停，但佢都好關心自己嘅護膚品牌事業。日前愛姐低調去巡舖就被網民捕獲，愛姐亦大方親民與網民一家三口合照，而該網民亦留言大讚愛姐老公甚有風度，親自揸機為眾人影相。

另外，愛姐一對龍鳳胎已經讀小學，早前有報道指佢哋一家四口於今年初搬返首爾居住，方便仔女返學。而近日網上就有愛姐出席仔女就讀嘅小學舉行嘅生日會相片流出，愛姐一身優雅打扮，氣質出眾，與其他家長一樣企喺旁邊，望住喺前面嘅仔女而露出慈母笑容。

更多韓流，喺晒《娛果》
http://fb.com/appledailyent