韓國男星張東健跟高素榮結婚7年，二人育有一子一女，張東健夫婦一直都好錫一對子女，即時身為藝人，只要有時間，都會盡量出席子女嘅學校活動，而高素榮日前更積極參與囝囝嘅學校活動，擔任保護孩子上學及放學嘅「綠色媽媽」。

近日韓網公開一張名為「意外的高素榮」嘅照片，相中高素榮穿上「綠色媽媽」嘅衣服、配上牛仔褲及戴上太陽眼鏡，手拎「請遵守停止線」嘅旗，企喺學校附近嘅人行道上限制車輛，確保學生上學及放學時嘅安全。

「綠色媽媽」係要學生家長拎住黃色旗，站喺學校附近人行道保護學生上學及放學嘅活動，網民對於高素榮都擔任「綠色媽媽」均留言稱讚，認為佢冇明星架子。