久未露面、曾被封為鐘錶界美人的胡曦文（原名胡敏珊，Christy），人逢喜事，今晚她以愛心大使身份於紅磡出席「童心同樂慈善夜」，穿上粉紅露肩裙的Christy略見圓潤，幸福甜笑不時掛在臉上，提到感情事，Christy直認待有時間便會跟澳洲籍華裔男友拉埋天窗，又指男友已多次求婚，她說：「遲早拉埋天窗嘞，佢已經過晒7關，其實我哋識咗好耐，近兩年先走近，互相好了解，但未有時間，要搵多啲錢搞盛大婚禮，到時結婚一定通知大家，多謝大家，我終於有人要喇！呢啲係講緣份，佢幾歲已經過澳洲，最近為我返嚟香港生活。」問到她可有生B計劃？她說：「唔會生BB喇，好大責任，我想瀟灑啲，最近我成立咗慈善基金，係幫助小朋友。」而在晚會上Christy將獻唱《幸運是我》，又會捐出一隻手錶作拍賣籌款，她又透露聖誕已相約男友和男友家人到潮州吃美食。

同場還有前港男吳雲甫、何紫綸、趙哲妤與郭思琳等，吳雲甫已入紙申請排期結婚，迎娶拍拖4個月的瑜伽導師女友，他坦言跟前女友6月時分手，兩個月後便跟現任女友拍拖並決定閃婚，他說：「結婚係突然決定，可能因為社會事件，覺得要及時行樂，而且同妹妹嘅BB玩得好開心，自己都想生小朋友，唔再好似後生咁愛玩唔定性。」他表示婚禮定於明年3月1日，只會跟雙方家人食飯，未必擺婚宴，他更否認雙喜臨門，並謂還未進行婚前檢查。

採訪：羅慧敏
攝影：林賓尼

-----------------------------
《2019高級珠寶鑑賞誌》
點擊即睇過百款鑽飾名錶
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇