由韓國「國民初戀」秀智、李鍾碩主演嘅SBS新劇《當你熟睡時》，已經落實於9月尾首播，劇組早前有講過預計本月中會煞科，不過今日秀智及李鍾碩繼續被捕獲喺街頭拍攝，兩人都似乎忙住趕拍冇得休息。由粉絲拍得嘅相所見，身穿西裝嘅李鍾碩同秀智BB喺海邊談情，秀智BB更主動錫錫李鍾碩塊面0添。

另外，秀智BB男友、「長腿Oppa」李敏鎬今日踏入30歲生日，雖然今年生日因為已經入咗伍未能同粉絲一齊度過，其所屬事務所就公開咗一輯Oppa入伍前影嘅靚仔相益粉絲。而李敏鎘一向熱心公益，粉絲亦追隨偶像嘅步伐，喺Oppa生日之際與中國綠化基金會及微公益拍賣平台，以「李敏鎬」嘅名義向西部捐贈逾18萬人民幣(約20萬港元)。