適逢「6.12」一周年，網民發起「遍地開花」運動。下午5時許，警方已在沙田新城市廣場附近嚴密佈防，不少途經的市民被警方截查。至下午7時許，有區議員到沙田新城市廣場設置易拉架，展示過去一年抗爭運動的重要事件，有逾百名市民圍觀，有民眾帶同「香港獨立」旗幟到場揮舞。踏入8時正，眾人高舉手機燈同唱《願榮光歸香港》，並高呼「民族自強，香港獨立」、「釋放義士，還我公義」等口號。

「經過一年，睇得出政府冇收斂不特止，佢仲要繼續做啲更癲嘅嘢。」另外兩名參與行動的市民Nelson及Toby則稱，今日除了為紀念「6.12」一周年外，更想對仍在堅持對抗暴政的人表達支持。Nelson坦言，過去一年發生了各樣大事，「但好似我地運動都冇咩成效咁，對政府方面」，加上即將在港推行國安法，加劇民眾的恐懼感，亦有不少人漸感灰心，「但呢啲時候我地更加要堅持落去。」

Toby認為，國安法勢在必行，「我更加擔心嘅係香港人將來會去行落去。」對於近日不少港人討論移民，Toby直言自己未到最後一刻，也不會考慮移民，「逃避永遠都係最易嘅，即係你係唔要自己屋企，畀咗人，然後自己走佬咁，咁不如就盡可能守住自己屋企先。」

「唔擔心（被捕）就假嘅，但想出嚟嘅心更加大，所以都豁出去。」 Y小姐及K小姐一同表示，為了紀念及回顧過去一年抗爭運動而到新城市廣場，「大家都知係因為6.9、6.12而開始（抗爭），而對我嚟講，其實每個日子都好特別。」Y小姐相信，日後若在港實施國安法，必然會發生更多令人「難以置信」的事情，「但你問我呢一刻係咪恐懼大到要放棄自由，我覺得未係。」兩人更直言「一定會堅持到底」。

-----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新
-----------------------------
你敢爆，我敢獎！ 立即WhatsApp《蘋果》24小時爆相爆片熱線 或致電：63836568