終於都撞到喇！撞到邊個?咪發哥囉！唔只普羅大眾，連藝人去行山撞到發哥(周潤發)都一樣咁興奮㗎！

呢次就輪到Candy盧巧音嘞！佢噚日即喺Instagram晒命，Candy孖Kolor主音老公Sammy去咗青山公路行山，好好彩畀佢哋撞到發哥，當然都係做指定動作，selfie啦！Candy貼咗孖老公一齊同發哥影嘅合照，仲有一大堆Hashtag，睇到都覺得佢係幾咁興奮：「本來諗住say個hi，sel個fie…… 點知佢教咗我哋上山嘅路線，仲帶埋我哋去某個點，然後話畀我哋知點行，點解會咁嘅？究竟發生咩事呀？媽我見到發哥阿媽！#野生捕獲 #周潤發 #幸運日 #直出的純粹 #因為tune得太勁變P圖 #發生咩事?? #我愛青公 #星期日青公驚喜 @sammysokolor #好彩無揀跑去荃灣方向」

Candy開心話自己好幸福，除咗有幸野生捕獲發哥之外，仲得到發哥介紹埋手機app教佢點樣執現張相。而呢啲機會唔係人人有，搞到好多朋友留言話好葡萄，連何韻詩都問佢係咪曬命，認真搞笑。

精選娛聞，喺晒《娛果》
http://fb.com/appledailyent