港足今晚就會於大球場擺陣，喺亞洲盃外圍賽迎戰「神秘之師」北韓。講開北韓，之前已經報道過關於北韓體壇嘅都市傳說，但以下呢個就可謂公開秘密──前NBA公牛球星洛文（Dennis Rodman）一向同北韓領袖金正恩friend過打band，而據美國《CNN》周一報道，56歲嘅洛文現身北京機場，將會經北京轉機前往平壤，除咗係近年來至少第5次到訪北韓，亦係美國總統特朗普上任後首次。

洛文早幾年試過率領幾位退役NBA球員拉隊去平壤打籃球友賽，仲即興唱生日歌賀金正恩生日，兩人仲話彼此係「一世老友」，咁啱今晚北韓作客香港踢亞盃外，唔知會唔會孖住「肥仔恩」一齊睇直播呢？