Yo！歡樂mode又返嚟啦！我又柄埋叉咗幾日電，可以醒一醒，連天氣都好好多。

今期，我要寫個「服」字畀極高參與率嘅馬迷，真正嘅馬不停蹄，仲刨埋我嗰份。當中仲有啲「高手高手高高手」醒咗啲冷腳畀我，真係增加到盤川。咁我做乜？梗係無乜貢獻啦！

去咗玩囉！小休後體力會回升，希望季尾交代，咁就心滿意足。

而家返嚟係有少少得戚咁放下電，嘻嘻！周日（23日）第5場四班1200米「閃電俠」係識同「牛角仔」串Q，能力有晒證明。

劣勢之下勁追近返嚟，而且晨課靚仔有進步，仲要換埋潘頓上陣，又係嗰啲熱而唔敢飛嘅好馬。

同場「雷電寶」近排好似又醒返，體力算保持到，今仗會有慢步速跟前跑，負輕磅要再上名應該唔難。

最後「春風得意」除咗表示緊我嘅心情，就係佢上場初出嘅瘋狂末段，對手唔強可以預埋佢。

-----------------------------
7月4日起 《蘋果動新聞》只限升級壹會員閱覽
繼續撐蘋果！
https://hk.adai.ly/e/iIRREmuwDX