「神駒」系馬主余潤興養馬多年，加上買馬不計成本，可算是馬圈其中一位超好人馬主。

呢系馬早前就以「勇猛神駒」勝出余家在港養馬以來第100Win，人稱「余伯」嘅余潤興當然開心。

不過頭馬唔嫌多，加上呢系馬現役仲有十駒，要將頭馬數目增多唔難。

今期（26日）谷草夜馬，余伯名下兩駒「協霸神駒」同「協勝神駒」就一齊跑第五場一班谷草1650米，後駒季內已贏馬交代，所相信前駒戰意更盛。

「協霸神駒」上仗跑三級賽大慢閘致敗不能作準，是次回配巴度之餘，賽前試番課1700米谷閘跑第二，匹馬有晒狀態，更抽得1檔之利，贏馬機會不錯。