【15:10】新增九龍金銀珠石玉器商會理事古堂發回應。

【14:54】警方表示，兩名戴鴨舌帽及口罩男子衝入珠寶店，以利刀指嚇職員，並用鐵鎚扑爛櫥窗，劫去約值300萬元金飾。兩賊登上由同黨駕駛的私家車逃去。探員接報到場，將案件列行劫，現正追緝3名賊人，他們當時身穿黑色上衣、黑褲及黑鞋。

【13:07】大批探員到場，檢視被打爆的飾櫃，部份金飾散落櫃面，或跌到地上，一片凌亂，有龍鳳鈪被擊毀跌落地面，賊人遺下長柄鐵鎚，案件交由深水埗警區重案組第三隊接手調查。

連續第二日發生珠寶金行劫案！早上近11時，長沙灣青山道282號地下一間珠寶店，一部白色私家車馳至停在珠寶店外，兩名持鐵鎚賊人落車，手起鎚落打爛櫥窗飾櫃，飾櫃現出大洞，賊人迅速掠去大批金飾，得手後跳回私家車逃走，職員報警求助，警員趕至現場調查，負責人初步點算損失約300萬元金飾。據了解，賊車在今晨於區內報失，相信是賊人偷來犯案。

昨下午3時許，4名年約20至30歲戴口罩的賊人，持西瓜刀及鐵鎚，闖入土瓜灣道245號一間金行，賊人用刀指嚇職員，並用鐵鎚扑爛飾櫃掠去約值200萬元金飾，得手後奪門登上一部的士逃去。案件交由九龍城警區重案組第二隊跟進，暫未有人被捕。

九龍金銀珠石玉器商會理事古堂發指，近期警力薄弱，令賊人伺準機會犯案；他促請警方增加人手，加強巡邏維持治安。

古堂發表示，昨日在土瓜灣發生劫案的金行，像銀行一樣有鐵枝防盜，賊人是看準警力不足而犯案。古說：「周圍都冇咩警察巡邏，唔好話巡啦，泊到通街係車，都冇人理啦！趁火打劫呀，趁個社會亂。」他坦言擔心類似的劫案會不斷發生，甚至有人在劫案中受傷。

他表示稍後商會會開會，然後要求警方加強警力「唔好淨係去示威區先得㗎」。至於賊贓的去向，他指「蛇有蛇路、鼠有鼠路」，估計賊人將金器熔成金條，在內地或本港變賣也未知。
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇
-----------------------------
【撐學生】
召集有心人 撐學生全年睇《蘋果》
立即按此
-----------------------------
你敢爆，我敢獎！ 立即WhatsApp《蘋果》24小時爆相爆片熱線 或致電：63836568