意大利傳媒《Gazzetta dello Sport》公布意甲球員以及教練嘅收入排名，發現「最好搵」係AC米蘭後衛邦路斯同埋祖雲達斯前鋒希古恩，佢地嘅年薪係686萬歐元（約6,000萬港元），計番埋都係得大約13萬歐元一個禮拜。愛華頓前鋒朗尼回巢後，雖然冇左曼聯時30萬鎊周薪咁好景，不過都有番15萬鎊，仲高過邦路斯及希古恩。

僅次於邦路斯同埋希古恩嘅，係灸手可熱嘅前鋒保羅戴巴拿。佢之前同祖記續咗約，宜家嘅年薪已經升到去640萬歐元。至於最好搵教練就係A米嘅艾歷尼，佢嘅年薪為640萬歐元（約5,900萬港元），而排第二嘅國際米蘭教練史巴列堤就差得遠，年薪只及艾歷尼一半，僅為366萬歐元。擁有兩大高薪球星嘅祖記，自然係意甲最高薪金負擔嘅球會，佢地今年嘅薪金開支足足為1.5億歐元；而排第二嘅就係A米，足足有1.07億歐元。