自從《不懂撒嬌的女人》播咗出街之後，王浩信嘅人氣繼續有增無減，前排傳佢同陳自瑤（YoYo）嘅婚姻有問題之後，噚日仲有周刊話陳法拉未入行嗰陣，曾經同王浩信拍過拖，雖然佢哋最後分咗手，不過再見亦是朋友，王浩信知法拉想唱歌，介紹佢俾Neway大少薛世恆識，睇吓有冇機會簽約，點知法拉冇簽約，仲做埋老闆娘。(新聞連結： http://bit.ly/2tsNijK )

今日王浩信喺將軍澳出席活動，佢否認曾經同法拉拍過拖，仲話：「我係佢喺公司第一個認識嘅朋友，YoYo都知道呢件事，冇唔開心。」有傳陳法拉因為洗大咗而要返香港工作吸金，王浩信話：「我唔知道，我哋一直都各有各忙，我知佢喺外國學習唔同藝術學科，返嚟香港都可以學以致用。」佢仲話希望完成手頭上嘅工作，陪屋企人去旅行！

另外，蔣家旻亦都講到喺《踩過界》嘅大膽嘗試挑戰，拍嗰陣心情好沉重！