繼早年的黑糖、腸粉熱潮，最近石燒牛扒又掀起一股潮流，專門店橫掃港九新界。油麻地最近就開了神石焼きビーフステーキ專門店。

和同類餐廳一樣，神石焼きビーフステーキ專門店以自助形式營業，客人一入門口，可在自動販賣機選擇肉類，等電子牌震動就可以自取。價錢已包括自助區內的沙律、白飯、味噌湯，通通任食。

價錢抵，入門價只需$80，最平的神石美國牛扒（$80/200g），是美國Prime級數的牛扒。牛扒會由師傅燒到一成熟，再放上粉紅岩鹽板輕輕調味，最後由客人自己在300度石板上燒熟。牛扒略帶甜味，軟腍入味，十分抵食。

喜歡肉味濃一點的，可以試IBP牛膈肌（$85/200g），即牛隻橫膈膜肉，多肉汁又爽嫩。就連和牛都有得食，以為和牛一定貴？錯了！店內鹿兒島日本A5黑毛和牛只是（$155/100g），建議燒數秒便放入口，油脂豐盈。配以加入蒜片的燒汁，油香豐富。

如果不吃牛肉，亦有美國極毛豬（$105/200g）選擇，豬扒會在廚房處理得熟一點，上桌燒一會就可以吃。

記者﹕李詠儀
攝影﹕郭巧螢

神石焼きビーフステーキ專門店
地址： 油麻地碧街35號地鋪
電話：6652 8897
營業時間：星期一至四12nn-11pm，星期五12nn-12am，星期六11am-12am，星期日11am-11pm
詳情： http://bit.ly/2x6PX3d

-----------------------------
7月4日起 《蘋果動新聞》只限升級壹會員閱覽
繼續撐蘋果！
https://hk.adai.ly/e/iIRREmuwDX