政府乜都唔聽,洗腦教育要強推、新界東北要強拆;同佢理性講道理,佢玩語言偽術。於是乎,民間社會喺今年創造咗唔少肢體語言。新政總出現過幾十萬個反國教大交叉高呼「撤回」。新界東北發展,數以千計村民做出T字手勢要「擱置」,唔要狼英割地賣港。
電訊魔童王維基想做免費電視小魔怪,但政府唔show佢,搞到魔童要藝人做出公仔箱四方手勢。民建聯投票只跟阿爺意思;議事堂內,葉國謙繼續對泛民提出嘅動議、修訂倒豎拇指,等保皇黨跟隊咪投錯票。不過點都唔夠狼英經典,當選一刻個疑似納粹手勢,論驚嚇度佢贏晒!
mailto:
[email protected]