96年亞姐冠軍陳煒身形十年如一日，從未走樣，日前她自信地穿上三點式大晒34、24、35的火辣辣身材。她認為夏日的dresscode應該要色彩繽紛和款式簡單，自能消暑又醒神。

陳煒不愧是亞姐中的亞姐，雖然入行轉眼間已10年，但得天獨厚的她仍能保持勻稱體態。日前她穿上三點式泳衣，大晒34、24、35均勻身段，在鏡頭前擺出充滿自信甫士。

最愛膊頭夠橫

在泳池畔嬉水的陳煒以前對於古老傳統指一粒荔枝三把火，深信不疑，擔心燥熱而不敢吃，不過近日中醫師指她胃寒，不妨吃幾粒，有中和作用，她日前說：「我試過真係幾有效，我仲將啲荔枝放入鹽水浸吓先食，聽講咁樣冇咁燥熱。」
問陳煒最滿意身體哪部位？她說：「我幾自豪個膊頭夠橫，着衫夠靚。」天生黝黑的她，為免再曬黑膚色，所以除了工作外，會盡量避免跟陽光接觸。

開冷氣瞓晏覺

問陳煒有甚麼消暑良方？她說：「我最鍾意留喺屋企開大冷氣瞓晏覺，真係最佳消暑方法。我又鍾意將手指甲同腳趾甲髹到好靚，咁樣配埋好色彩繽紛嘅靚衫，充滿夏日色彩，人都精神啲！」
採訪：比華利
攝影：陳偉權
髮型：PatrickSoofHair　泳衣：steela+steelo
背心：UNITEDCOLORSOFBENETTON
場地：恆豐酒店