韓國元祖偶像男團「水晶男孩」38歲主唱姜成勳最近是非纏身，佢原定本月8日及9日喺台北舉行粉絲見面會，不過活動舉行前就傳出疑因銷情欠佳，令活動突然喊停（相關新聞連結： https://bit.ly/2Mjwtxx），主辦單位就話係姜成勳單方面毀約，仲向佢提出起訴。之後姜成勳仲爆出同粉絲團嘅負責人A某傳出緋聞。

而根據韓媒報道，近日水晶男孩嘅粉絲就喺網上發佈聲明，要求姜成勳退團，聲明就指姜成勳欺騙粉絲、個人粉絲俱樂部運營有問題，以及姜成勳可能涉嫌違法等，又要求姜成勳要對涉嫌貪污、逃稅行為承擔法律責任。

出道21年嘅水晶男孩由殷志源、李宰鎮、金在德、姜成勳、高志溶及張水院六人組成，並於2000年宣佈解散。水晶男孩於前年合體，除高志溶之外，其餘五人就同韓國YG事務所簽約。不過姜成勳於大前年曾因涉嫌詐騙被起訴，雖然被判無嫌疑，但對其形象已有一定影響。

另外，噚日YG方面亦宣佈姜成勳將唔會參與水晶男孩下月舉行嘅演唱會，表示姜成勳經考慮後，覺得無法正常進行演唱會嘅準備工作，其他成員對此都大感惋惜。

精選韓流，喺晒《娛果》
http://fb.com/appledailyent