由韓劇《大力女子都奉順》嘅26歲男星朴炯植同《紳士的品格》嘅46歲型男張東健拍攝嘅KBS新劇《金裝律師》，噚日喺韓國播出第12集，港劇迷可於Viu同步追看。

承接上集劇情，律師樓嘅咸代表以前曾經貪污，亦因為姜代表手持佢嘅出軌影片而企圖殺死姜代表，不過姜代表為咗律師樓嘅聲譽就冇將事件公開，而0依家咸代表就想重新回到律師樓，希望可以復職，不過張東健就極力阻止。咸代表向律師樓所有人坦白自己過去嘅失誤，當中包括動用客戶嘅賬號、犯下了貪污罪，但佢就承諾之後會洗心革面，專注幫助律師樓嘅日後發展，但係張東健就洞悉咸代表返來嘅目的唔簡單，兩人又準備開始一番明爭暗鬥。

而張東健嘅死對頭蔡律師為咗討好咸代表，就將朴炯植嘅背景告知畀對方。此時張東健同朴炯植就接咗夏藍療養院護士罷工一案，二人喺呢個案件嘅處理上有唔同睇法，咸代表就趁佢哋有分歧時，私自搵朴炯植，直言支持佢嘅睇法，但暗地裡就製造令佢哋兩師徒間產生矛盾。而張東健亦利用咗朴炯植嘅資料，令到喺夏藍療養院護士罷工一案中，雙方嘅和解都搞垮了，張東健同朴炯植都大吵起來，此時就正正中咸代表嘅下懷...

《金裝律師》噚晚一集收視有9.8%，穩坐同時段收視冠軍；而MBC嘅《過來抱抱我》就播出第11、12集，分別有5.3%及5.9%收視率，，排同檔第二位，成功望超越黃靜茵新劇排同檔第二位。至於黃靜茵孖南宮珉主演嘅新劇《訓南正音》，噚晚播出嘅第7、8集就有3.9%、4.1%收視率，跌至同檔包尾。

更多韓流，喺晒《娛果》
http://fb.com/appledailyent