當年今日
關於我們

【引渡惡法】憂修例後香港失自由 鄺葆賢:有抗拒遊行醫生重新思考站出來

蘋果日報 2019/06/07 00:05

鄺葆賢逃犯條例移交逃犯引渡惡法

上兩個月,醫學界為了放寬海外專科醫生實習方案,弄得「七國咁亂」,作為前線醫生代表的鄺葆賢身處其中。一波未平,一波又起,她又換上黃埔西區區議員及醫學界特首選委的名銜,為反對修訂《逃犯條例》勞碌。她表示,希望港人看清修例除了不合邏輯,過程亦霸王硬上弓,所以需要每人多走一步,阻止這種行徑成為政府、行政長官林鄭月娥處事的「新常態」。
經過海外專科醫生實習爭議後,鄺葆賢立即想到《逃犯條例》修訂後的一大擔憂,「到時我哋仲有冇免於恐懼嘅自由……雖然香港不斷同大陸接軌,但香港嘅司法獨立係好重要嘅區分象徵……如果香港因為咁,冇咗穩定制度,又點保障到喺香港嘅海外醫生?仲邊會有海外醫生肯嚟香港?」她又提到內地積極提倡大灣區醫療發展,希望香港醫生北上行醫,感嘆一旦修例後瀰漫白色恐怖,哪會有醫生敢北望神州?
她說,很多醫生都有子女,為了提供一個良好的成長環境給他們,很多醫生即使沒有表態,但心裏不斷關心議題發展、希望香港不會失去應有的自由,「亦有同事好灰心話,不如移民啦,可能我哋真係比較有機會移民,但好多冇能力走嘅香港人又點?佢哋就會冇人支援。」她透露,有些起初堅拒參與遊行的醫生,最近也開始思考應否走出來。
她認為修例存在嚴重的邏輯謬誤,「擺街站嗰陣,最多市民會問,如果唔修例,咁陳同佳會點呢?實情就係,而家根本修唔修例,陳同佳都係引渡唔到,咁已經違背咗起初(嘅)目的。」加上政府聲稱欲借修例,使香港免淪為逃犯天堂,「但而家已經修改到嚴重傾斜商界利益,亦都解決唔到內地可以隨意安插『莫須有』罪名嘅問題」,所以連醫生也認為不應該支持政府推行違反邏輯的法例。
作為特首選委,她認為林鄭月娥漠視民意,「如果我哋要林鄭下台,佢真係下台,咁就真係負責任。但事實上,佢落咗台都係冇用,因為制度已經俾佢搞冧咗。」她認為林鄭必須問責,但如何問責,如何挽回崩壞的制度,相信是港人遊行之後要思考的方向。
記者 于健民
民陣6.9反惡法遊行
日期:6月9日(日)
集合地點:維園草地
時間:下午2時30分集合、3時正起步
遊行路線:維園草地遊行至金鐘添美道立法會
(資料來源:民陣)
-----------------------------
新聞有價 你肯為《蘋果動新聞》付幾多錢?
https://hk.adai.ly/QDTT6y5mgX
empty
鄺葆賢呼籲市民勿輕信政府的語言偽術。易仰民攝