當年今日
關於我們

與林俊賢監倉嗌交出事 張建聲反眼兼抽搐

蘋果日報 2015/12/16 06:00

蘋果張建聲即時癲癇症天才在左瘋子在右林俊賢

張建聲(Justin)本周五將於樂視網劇《天才在左瘋子在右》中登場,劇中飾演天才物理學教授,同扮演高智慧作者嘅林俊賢,喺監獄展開一場激烈辯論,結果Justin被林俊賢口技擊敗,搞到精神崩潰,癲癇症發作。呢場戲甚有難度,Justin當日拍到成個人碌低,反眼兼全身抽搐,絕對係演技挑戰,事後導演更大讚其演出到位。

Justin表示:「呢場咁激烈嘅戲我好鍾意,好似武俠片過招,大家拗到臉紅耳赤,俊賢哥嘅角色係策劃一個陰謀嘅大佬,本身都係黐線、瘋狂嘅教授,因為佢睇通呢個世界某啲嘢野,佢幫自己做手術,開咗自己個腦葉令佢愈嚟愈聰明,不停搵啲人番嚟擊敗,戲入面講我細個同佢有一啲理論,我贏過佢,而家到老佢就設個局嚟拗番贏我。我要由好專業好權威嘅物理學家變成瘋子一份子,可想而知受糟質程度。」

戲中林俊賢係天才,又係精神病患者,所以佢困喺精神病院時,要綁手及戴面罩,造型有點啲《沉默的羔羊》中安東尼鶴健士(AnthonyHopkins),加上陰森演繹,相當詭異;今次與久未在港演出嘅林俊賢合作,Justin感到榮幸。