出名鍾意搞花樣嘅綠色和平,噚日搬咗批用電子垃圾砌成嘅雕塑到政府總部請願,啲義工重化妝化到成個面爛晒嘅大陸民工(圖),八方一睇重以為咁快到咗萬聖節。
佢哋同八方講,大陸民工執電子垃圾搵食,但冇人知亦冇人理啲電子垃圾入邊有毒嘅水銀同鉛,搞到當地民工個個都爛面,又污染食水。
最令人汗顏就係香港堂堂一個國際城市,又有一個好識環保嘅環境運輸及工務局局長廖秀冬,但政府就冇監管電子垃圾貿易,不斷咁將啲電子垃圾運入大陸,間接做咗幫兇。黎樹雄攝
傳真︰2623-9278
電郵︰
[email protected]