台灣綜藝天后徐熙娣（小S）早前為台灣《蘋果》拍攝15周年微電影，今次飾演「老S」──初期阿茲海默氏症患者（舊稱老人痴呆），之不過小S同台灣《蘋果日報》嘅關係，可以話恩怨史可歌可泣，當年曾經為烏龍家暴案對簿公堂，後者敗訴，於是喺拍攝前夕，有資深記者提示勿提關鍵字「家暴」和「麵包」，點知喺拍攝當日，小S一打開道具剪貼簿劈頭就一句：「怎麼沒有家暴的報導？」

之後世故嘅小S記著仇當笑話講：「就連徐媽看到我撞到哪裡黑青一塊，都要關切『寶貝，Mike對你好不好？』拜託，我們兩個頂多就是在床上互打吧。」其後劇組循例請《蘋果》15周年微電影嘅主角「與一顆蘋果發生關係」，唔知係咪酒精影響，小S講完：「不能吃嗎？」之後就拎住個蘋果狂砸，來來回回狂敲9下，發洩憤完之後，佢將果核揼落地下，寓意深說：「恭喜《蘋果日報》，點閱率第一。」

影片提供：台灣《蘋果日報》

精選娛聞，喺晒《娛果》
http://fb.com/appledailyent