當年今日
關於我們

【音樂嘉年華】推廣包容性小眾及弱勢社群 黃耀明望改變世俗觀點

蘋果日報 2017/10/09 17:33

黃耀明何超儀盧凱彤一點粉紅ellen

黃耀明、盧凱彤(Ellen)同何超儀等,今日喺尖沙嘴出席為支持性小眾人士嘅「一點粉紅」音樂嘉年華記者會,明哥同Ellen直言會帶家人同另一半參與,目標希望大家團結一至,包容性小眾同弱勢社群,而明哥就話噚晚睇到互聯網一個調查,顯示香港係全世界最多校園欺凌嘅地方,令佢好驚訝,佢話:「雖然只係喺facebook睇到,未經證實,但當中應該包括性傾向同性認同,我睇到都打咗個突,好得人驚,希望大家努力,可以改變觀點,互相包容。」而提到卓林宣佈出櫃,明哥話:「我唔認識佢同佢家人,無論如何,咁嘅年紀能夠坦言面對自己真正身份,應該為佢高興,大家應該多啲祝福同支持佢。」
另外,Josie就話做完呢個騷就要即刻趕去日本開騷,覺得自己好冒險,但因為自細都係同班性小眾朋友玩,所以點都要撐場。而當日佢將同樂隊一齊表演,佢仲話當年因拍攝《蝴蝶》一片,同田原成為同志界女神,佢話:「田原拍完戲後,仲用咗佢喺戲入面成日哼嗰幾粒音作咗首歌畀我,希望佢今次可以一齊上台,咁就勁嘞。」