《星球大戰：最後的絕地武士》全球觀眾都等緊睇，今日就喺香港正式上映，《蘋果》依家就嚟個劇情大劇透，集主要分開兩條主線，一條係第一部隊對反抗軍，一條就係Rey同Luke嘅Jedi故事，呢段文就係反抗軍劇情嘅劇透，唔想睇到劇透嘅觀眾，o依家係你離開呢段文嘅機會。

諗清楚喇嘛，再隔多幾行就開始劇透喇！

劇透開始，故事先講第一部隊對反抗軍，一開始反抗軍要搬基地，第一部隊要攻擊佢哋，Poe就一馬當先攻軍第一部隊其中一部戰艦，等反抗軍可以用光速逃走。但第一部隊竟然有方法跟蹤到反抗軍，呢個時候反抗軍只係得番一次光速飛行嘅燃料，但再用都被跟蹤到。不過Finn同新嘅女角Rose兩個就知道第一部隊個跟蹤儀器喺邊，同Poe相量過之後，就打算去到攻擊第一部隊。

不過攻擊第一部隊要經過好多嘅密碼，所以Finn同Rose要去到另一個星球，搵一個解碼師，呢個星期係一班以戰爭搵錢嘅超級有錢人，當中仲有啲小朋友嘅奴隸(呢個好重要，大家記住先)。最後佢哋帶咗解碼師打算解碼嘅時候，被敵人發現，行動失敗，解碼師仲出賣反抗軍，將反抗軍要以大船做誘餌，等細運輸船搬去星球嘅計劃話畀第一部隊知，反抗軍失去唔少人。最後少數反抗軍到達星球，但Kylo Ren都帶領咗第一部隊去到星球，危急之際，Luke突然出現單挑Kylo Ren為反抗軍拖延時間離開。

Luke最後出現吸引Kylo Ren嘅注意力，引Kylo Ren同佢單挑，等反抗軍有時間逃走，但原來Luke只係一個幻影，佢嘅真身仲喺佢本身個星球上面，可惜當佢吸引完Kylo Ren嘅注意力之後，Luke最後都死咗。

去到最尾反抗軍少數嘅人逃走成功，鏡頭就返到去奴隸身上，呢個小朋友同其他小朋友講緊Luke隻身對抗第一部隊嘅事蹟，出到門口嘅時候，佢用原力拎起咗掃把，望住個天，鏡頭仲影到佢好似一個拎住光劍嘅人咁，好大機會佢就係10、11、12集嘅主角喇。

更多娛聞，喺晒《娛果》
http://fb.com/appledailyent