第26屆東京國際電影節今日開幕,因為中日關係變差,今年得內地名導陳凱歌同港星麥浚龍(Juno)等出席。
不過開幕禮星光熠熠,金像影帝湯漢斯(TomHanks)、大導演哥普拉(FrancisFordCoppola)畀面到場,但綠地毯上就無厘頭出現大班巴魯坦星人、食錢獸等怪獸,場面騎呢!
今屆宣傳大使栗山千明打頭陣,長澤正美同新片拍檔岡田將生現身,佢一身白色打扮騷招牌長腿。而玉木宏、忽那夕里等亦悉心打扮赴會。
大導演哥普拉因到日本領取高松宮殿下記念世界文化賞,順便陪女兒蘇菲亞哥普拉(SofiaCoppola)出席東京電影節,兩父女一齊行綠地毯,蘇菲亞攜《閃閃靚賊》(TheBlingRing)參展。
湯漢斯壓軸登場,並由日本首相安倍晉三、日本名導三谷幸喜、男星役所廣司等陪伴行綠地毯,致詞時亦由安倍陪同出場,十分有排場。