「兩部𨋢不斷輪住咁壞，今個月頭重一齊壞埋㖭，我哋後生重話頂得順，但見到啲老人家咁樣行樓梯上落，真係好唔忍心。」說起所住大廈升降機不斷故障，勇石樓高座居民一臉無奈。
勇石樓高座居民向本報投訴稱，勇石樓入伙四年，分高低兩座，高座樓高三十二層，低座則有二十層，高低兩座相連，各有兩部升降機，高座兩部升降機，經常輪流發生故障，不時停用，居民須使用餘下一部升降機，致經常輪候多時才能乘搭。
「等𨋢等到火都嚟埋！住喺二十樓以下啲人重話可以行遠啲去用低座嘅𨋢，但係好似我哋住到成三十幾樓嘅，惟有等！」

由20樓行上30樓
「不過今年頭，竟然兩部𨋢一齊壞晒，成兩日都未整番好，我哋只可以用低座嘅𨋢去到二十樓，再行樓梯上三十樓，落樓重好啲，上就真係難頂。」
居民稱，屋邨內有不少老人家居住，實不忍心見他們上落樓梯如此不便，遂向《蘋果》投訴，盼當局正視問題。
管理石蔭邨的置邦興業有限公司潘先生回覆本報查詢稱，根據紀錄，勇石樓高座兩部升降機，由去年四月至今個月初，共故障十一次，其中三號升降機故障六次，四號升降機故障五次，但只有本月初一次，是兩部升降機同時故障。他說，過去每次停𨋢時間，由一小時至一日多不等。