至於國內股市,昨日並冇跟隨花旗股市升,投資者咁審慎,都係怕加息,睇番早幾日嘅貨幣供應數字,呢兩日唔加,下禮拜要加息可能冇得避免,不過,加息係延續性嘅政策,未來仲會係咁行,加息係因為經濟好,唔係因為經濟差,所以唔使睇得咁悲觀。
中移動C輪3287:中移動(941)前日創新高試90元,大行紛紛調高目標價,昨日股價繼續醒神,最高升上92.70元,收市報91.95元,Keep住個靚靚嘅走勢,短線目標係100元,破位就推向110元,可以買啲中移動C輪3287。隻輪昨收1.08元,槓桿率8.5倍(有效5.6倍),正股升上100元同110元,3287應該喺1.66元同2.50元樓上,正股跌穿88元止蝕。