反而有兩隻初始投入較少的基金表現唔錯,如惠理價值基金初投金額約138萬元,去年底曾升至1466萬元,升超過10倍,另一隻中華匯聚基金初投金額約153萬元,去年底升至1707萬元,又係勁升10倍以上,可惜兩隻基金今年初至本周二都勁跌超過50%。
連畢菲特的價值投資法都受到質疑,本地基金公司惠理的投資法門,恐怕有待時間去重新證明其過人之處。投資市場上當然仍有高手,除了沽空獲取巨利的炒家之外,新加坡政府旗下的新加坡投資公司,亦算係投資高手,去年中開始已不斷見減持中資股,雖未算最高位沽貨,亦差唔多在見頂前將不少重倉股沽出,表現出色。
呢個主權基金近月開始密密出動,日前資料顯示分別出擊買入中信1616(1883)及晨鳴紙業(1812),雖然入貨規模未算多,但已經係一個值得留意嘅訊號。
歐陽風