當年今日
關於我們

【首曝光】懷孕五個月Liddy照落舖 一提老公即落閘:我要保護佢

蘋果日報 2018/06/21 21:20

Liddy狗仔出更李悅彤彭頫生活店

《蘋果》噚日率先爆李悅彤(Liddy)懷有五個月身孕,且已成為人妻,淡出幕前之餘,喺葵涌區開生活家品店。(新聞連結: https://bit.ly/2K6qQCB ) Liddy舖頭身處嘅商場,可以話係年輕人嘅天堂,放學放工去掃街,平平地就醫飽肚。小食種類喺香港都係數一數二。
今日,Liddy就有返舖頭睇舖打點,見佢一身工人連身裙打扮,已見晒肚。條連身裙似是4年前喺ig貼圖象徵旅程重新開始嗰條。只見Liddy明顯已見肚,幸好條裙仲著得落。
雖然聘有男員工,而且自己又腹大便便,但Liddy仍親自打點。記者上前訪問時,佢相當合作,不過依然貪靚要補妝。
問到舖頭係咪老公打本?Liddy否認:「其實間舖係我自己0架嘛!你會唔會俾錢我開舖吖?係自己俾錢嘅,錢唔會話咁輕易……你想要錢就周街問人攞到0架嘛。」再問Liddy係咪拍緊拖?佢話:「呢樣我唔講喇…依家我老公係圈外人,我唔想打擾佢。」
Liddy承認已懷孕五個月,問及兩人關係,佢都係嗰句:「我老公係圈外人,你可以Focus講我,或者講我間舖頭。佢係一個普通人。」又指附近舖頭老闆依家都向她投注目禮。問到佢BB性別,佢就話要保持神秘,表示生後會貼上社交平台公佈,預產期同佢生日日子差唔多,即大約十一月左右。
Liddy笑言自己唔鍚身,「都冇當過自己係大肚婆」,打點舖頭大小事,而且剛開張仍未請到人,所以有需要都會落場幫手,又承認老公若有空都會落嚟幫手:「但係佢自己都有好多嘢做,我本身都好多嘢做,我喺大陸、澳門都有生意。」仲話開呢間舖係因為佢做開生意,覺得都有興趣。至於喺澳門一向做開嘅演唱會工作,Liddy話一直有繼續做。
再問到有傳Liddy老公曾結過婚、是否姓鮑(已婚澳門富商Ivan鮑偉業),Liddy話:「我先生真係唔講。我先生係圈外人,我要保護我BB,我要保護我老公。你講我影我冇所謂,我知我以前做過娛樂圈,我撇唔甩呢種關係,我欣然接受。先生所有嘢唔想講。」
精選娛聞,喺晒《娛果》
http://fb.com/appledailyent
empty
採訪、攝影:徐錦池、畢紹基
empty
今日,Liddy有返舖頭睇舖打點
empty
記者上前訪問時,佢相當合作,不過依然貪靚要補妝
empty
問到舖頭係咪老公打本?Liddy否認:「其實間舖係我自己0架嘛!」
empty
再問Liddy係咪拍緊拖?佢話:「我老公係圈外人,我唔想打擾佢。」
empty
問及兩人關係,佢都係嗰句:「我老公係圈外人,你可以Focus講我。」
empty
Liddy承認已懷孕五個月。
empty
Liddy條連身裙似是4年前喺ig貼圖象徵旅程重新開始嗰條。