當年今日
關於我們

【比卡超離奇謀殺案】7.5米公仔遇刺報警處理 日片商:高度關注

蘋果日報 2018/12/11 19:11

比卡超黃埔精靈寶可夢我們的故事

臨近聖誕節,照慣例都會有一兩套卡通片上映應節,滿足一班小朋友嘅要求。今年就有套比卡超、即係官方改咗叫「皮卡丘」嘅卡通片《劇場版 精靈寶可夢 我們的故事》,安排喺後日13號上映。早前片商將一隻7.5米、超過兩層樓高嘅大型比卡超吹氣公仔,放咗喺黃埔隻船嗰度做宣傳。唔少小朋友同大朋友,特別仲係沉迷捉精靈嘅狂熱份子,都鍾意嚟呢度影相兼打卡。不過今日有喺黃埔居住嘅讀者報料,話今晨11點幾行過時發現,隻比卡超吹氣公仔冇晒氣塌下。
蘋果今日致電《精靈寶可夢》嘅片商,佢哋回應話喺吹氣公仔後面,發現兩條過呎嘅割痕,似係俾人用利器整爛,片商發言人話:「公司都係今朝發現,已經報警處理。」佢哋補充話吹氣比卡超喺由日本電片商提供,事件已知會對方。日本嘅回應係「高度關注事件」,但就未有講會補番另一個吹氣公仔過嚟。
精選娛聞,喺晒《娛果》 http://fb.com/appledailyent
empty
原本放喺黃埔嘅吹氣比卡超,有成兩層樓咁高。
empty
原本放喺黃埔嘅大型比卡超吹氣公仔,因為漏氣塌下。
empty
吹氣公仔係用嚟宣傳套卡通片
empty
寵物小精靈卡通片後日上映。