韓國男星宋仲基憑人氣劇《太陽的後裔》而上位當新一代男神,更成為搶手貨,有傳宋仲基就正積極跟內地娛樂經紀公司接洽,有意主攻內地市場。
相關人士透露,宋仲基日前親自跟內地最大型嘅娛樂經紀公司嘅高層見面傾簽約,合約金額高達200億韓圜(約1.3億港元),外界都對此非常關注。
而宋仲基所屬嘅BLOSSOM事務所今日就回應,澄清:「宋仲基將離開公司嘅傳聞與事實不符,佢正專心準備粉絲見面會,並且馬上就要進行電影《軍艦島》嘅拍攝。宋仲基本人與公司關係良好,從未有過離開嘅想法。」據知宋仲基於2012年拍完電影《狼少年之戀》後,就以一線身價簽約BLOSSOM,故有指重情重義嘅宋仲基,即使現時身價暴增,都依舊留喺BLOSSOM。