童星出身嘅呂珍九，曾飾演多部劇集、電影男主角細個時候嘅角色，例如《擁抱太陽的月亮》、《樹大根深》、《霜花店》等，已經為人熟悉，但唔經唔覺，當年嘅小朋友已經18歲，可以獨自擔大旗！近期同張根碩合作拍攝SBS古裝劇《大撲》，演技更獲得觀眾大讚。

而正值青春年華嘅佢，喺噚日播出嘅節目《SectionTV演藝通信》中坦承自己好想拍拖：「以前接受訪問時都曾經講過想拍拖，但到依家都冇咩進展。我唔介意年齡差距，就算大我10年嘅都得，而已我份人比較木訥，所以希望另一半係好識撒嬌嘅女仔。」呂珍九嘅回答令主持人都嚇咗一跳。