由金秀賢、孔孝真、車太鉉同IU主演嘅KBS新劇《製作人》聽晚終於首播，呢齣劇個個等到頸都長晒，當中大家最期待幾位主角喺劇中嘅感情線，亦都期待仲有邊位勁人會客串，噚晚劇組就公開咗之前有份友情客串嘅演員劇照，當中有少女時代嘅小分隊TaeTiSeo、尹汝貞、黃新惠、玄英、趙允熙等，加上之前公佈嘅張赫，客串陣容真係好強勁。

而《製作人》嘅導演徐秀民和表民洙分別接受韓國媒體訪問，大談《製作人》有咩特別之處，當中徐秀敏更大賣關子，話劇中嘅浪漫情節唔會少過《冬日戀歌》，令人十分好奇。

至於表民洙導演就大讚在非金秀賢嘅演技好犀利，又話：「佢係一個非常聰慧嘅演員，演技十分細膩，喺拍攝過程中能夠感受到佢演技功底好扎實。車太鉉、孔孝真同IU都好出色，表現相當惹眼，演員之間嘅合作亦都好有默契。好想有機會再同佢哋合作，佢哋都係個性突出、性格色彩鮮明嘅演員，一齊工作好愉快。」

表民洙導演曾經喺《他們生活的世界》中同玄彬和宋慧喬合作，問到會唔會邀請呢對舊情侶客串時，佢都直認話：「如果可以當然很好，雖然會去努力，但是感覺會比較困難。喺佢哋嘅立場，如果係普通嘅電視劇嘅話，選擇起來比較容易，但是《製作人》係藝能電視劇，對於演員選擇上會存在着困難嘅部份。」

另外，表民洙導演仲預告《製作人》因為只得12集，所以愛情線會推進得好快，又大爆劇情話車太鉉同孔孝真喺劇中25年來都一直係一對好親近嘅朋友，但兩人想法又好唔同，所以佢哋嘅愛情線展開亦都會好有趣。而金秀賢同IU嘅關係亦都好錯綜複雜，令人好期待。