立法會政改小組委員會今日召開第二場公聽會，政府仍然不派出政務司司長林鄭月娥等「政改三人組」出席聽取意見，更連上次出席的政制及內地事務局副局長劉江華亦沒有現身，只派出政制及內地事務局副秘書長梁松泰、政治助理陳岳鵬出席。公聽會因出席議員人數不足法定人數，終較原定時間延遲10分鐘才開始。

公民黨員鄭鴻達則批評，「連沉默劉江華都唔出席會議，可以睇到呢個政府幾尊重市民意見」，指在小圈子提委會篩選下，「梁振英、王國興、tree根，你點揀？曾鈺成你都冇得揀啦」。他指市民應在立法會和區議會選舉，用票選重奪議會，「未來從來都係靠香港人，香港人係要靠自己」。

工黨李卓人批評，「點解政府方面唔見咗專業垃圾桶(劉江華)？佢應該嚟呢度光華四射」，認為劉江華「都冇乜嘢做」，現時聽意見也不來，要求政府交代劉江華去向。他斥政改三人組更從未現身公聽會，反映政府根本無意聽市民意見。

政制及內地事務局副秘書長梁松泰則稱，「我哋今日非常重視會面同聽市民意見，並冇任何不敬意思，相關官員，同幾位司長副局長，因為有其他工作在身，所以嚟唔到」，但被李卓人追問有何其他工作時，梁松泰未有回應。

人民力量陳志全亦對政改三人組從未出席立法會公聽會表達極度不滿，要求梁松泰將3位官員的公務行程公開，「等公眾評論吓係咪重要過嚟兩次諮詢會，接近300個單位表達民意，佢哋冇出席，話要聽民意，有邊個咁大活動，可接受300個不同團體？乜聯會搭個台，就出席樂此不疲，我哋廿個議員，百幾個團體，今日連劉江華都唔嚟，仲點話諮詢民意？」。