【新增內容】
英超勁旅利物浦冒住黃雨喺旺角場練完波，下午6點15分左右就返到酒店休息。返咗去唔夠兩個鐘，隊長軒達臣就同占士米拿、拉爾拉拿經由酒台秘道，去咗圓方買咖啡。

雖然同行仲有兩名大隻保安，不過fans聞風而至，要求簽名影相，初時保安都擋得住，之但係越嚟越多人，兩名保安面對30幾名熱情fans，終於都失守。有fans成功偷雞上前扮合照。
三人利由秘道行返酒店期間，都有禮貌回頭講拜拜。

而到晚上約11點20分，有利物浦球員訓練完畢坐車返回酒店，佢哋一落車唔少fans歡呼，而其中史杜列治、卡拉雲仲留步幫fans簽名及影相，佢哋仲簽足5分鐘。