【屠房重開】活豬供應增加 市民仍要捱貴豬
豬街市上水屠房價格
上水屠房因非洲豬瘟關閉6天,經過殺豬及消毒後昨日重開,今日端午節預計有1,400隻本港及內地豬應巿。豬肉價格略為回落,但仍然比豬瘟前高,市民短時間內仍然要捱貴豬。
深水埗保安道街市內有4個豬肉檔,今日只有兩檔營業。姓蕭的老闆表示,買了三隻本地豬一隻內地豬,其中內地豬4,814元,本地豬亦超過3千元。
蕭說:「唔敢賣得貴呀!正常賣80、90蚊斤先有得賺,我賣70幾蚊。太貴嚇驚人哋咩?寧願平啲,養住班客囉!」來貨貴,又不敢賣太貴,夾在中間十分無奈。
街坊楊太到來買餸,她說:「阿伯(丈夫)要食,阿孫又要食,貴都無辦法啦!唔好再起價喇,唔係我哋啲當家就死火!」
另一檔主力賣本地豬的謝先生也表示不敢定價太高,「啲人買唔起、食唔起」。
女街坊買豬肉後說:「貴咗一倍,以往廿幾蚊,現在50幾60蚊。」
豬肉行總商會理事長許偉堅今日出席電台節目時表示,昨日活豬批發價平均每擔2,200元,較未有非洲豬瘟之前貴80%。供應減少的情況下,他預計今日新鮮豬肉零售會較平日貴20%。
新聞有價 你肯為《蘋果動新聞》付幾多錢?
https://hk.adai.ly/QDTT6y5mgX
蕭先生指豬價仍然貴,他不敢定價太高嚇跑街坊。周鴻熙攝