噚日美聯社引述美國報章《ElkoDailyFreePress》報道，話新鮮出爐嘅香港先生朱允崇，原來已經放棄咗同無綫簽約。
身為美國內華達州大學生嘅朱允崇，已經決定返美國完成埋喺當地嘅大學學位課程，佢仲對報章話覺得完成學位比較重要啲，就算演員同電影明星都需要有一定嘅教育水平，同埋仲要有多啲生活嘅體驗。