【新增內容】

劉德華前日喺泰國拍攝道地廣告時，不幸墮馬受傷，噚晚乘醫療專機返港，今日凌晨抵港後即送往養和醫院接受治療，而華仔一手創造嘅一對「囝囝」Andox 同黑仔，對於「華阿媽」今次受傷，顯得十分擔心，佢哋仲喺fb專頁發起「一人一句祝劉德華早日康復」，而華仔嘅忠實fans歐陽妙芝都有留言祝福偶像。

華仔親生仔Andox同黑仔今日喺fb發起一人一句祝福華阿媽早日康復，佢哋留言：「我們會盡量把你們的祝福轉交給華阿媽，一起集氣為他祝福祈禱！這首歌很適合送給華阿媽……大家別哭，像華阿媽帶給我們的都是滿滿的正能量！相信他一定很快好起來跟我們見面！」而貼文仲附上華仔嘅歌《心肝寶貝》嘅MV。

好多華仔嘅fans見到Andox同黑仔嘅呼籲，都即係留言，連歐陽妙芝都hashtag留言「一人一句祝劉德華早日康復」、「Andox黑仔」、「好想抱抱你」、「趕快好起來」，最後仲貼咗三個合十嘅emoji，可見佢真係好擔心偶像嘅傷勢。

除咗歌迷響應Andox同黑仔嘅呼籲外，道地嘅fb更轉發咗Andox同黑仔嘅po，仲留言：「祝早日康復！#GetWellSoonAndy」。