「日頭猛做，到而家輕鬆吓，食過晚飯，要休息翻一陣…」呢首無綫綜藝節目《歡樂今宵》主題曲，曾經家傳戶曉，全港市民都識得唱。

原來呢首歌係正正係林燕妮填詞，顧嘉煇作曲，有指當年係「EYT之父」蔡和平搵林燕妮填詞，今日同《蘋果》話:「首《EYT》嘅歌係佢填詞，嗰時佢好新，人哋介紹話邊個得就得，young lady，幾醒，顧嘉煇寫個音樂。我好耐冇見佢啦，係兩年前見過。」問到以前合作有乜深刻難忘事，蔡和平話:「我真係冇乜記性啦。」講到林燕妮離逝，蔡和平話好可惜:「好可惜，nice lady，好本事。」