新一季騎師陣容變動不少，除了莫雷拉及貝湯美主動唔玩之外，本季暫贏20場頭馬澳洲籍的柏寶，以及有15Win的法國好手杜利萊，都不在下季騎師名單之列，意味着他們跑埋本季最後十戰便要講bye bye。

有說柏寶、杜利萊是不入紙申請牌照，亦有說他們是被逼知難而退。據悉，馬會賽馬事務執行總監夏定安早前曾和傳媒交流，聽取意見，認為有部份外籍騎師在港多年，成績逐漸跌watt，有必要換新血，以令公司騎師陣容多元化，及鼓勵競爭。

有關方面亦不希望側重某一個國家如澳洲騎師，所以來季有兩位南非騎師麥偉利及利敬國加入。當中，麥偉利上季尾曾來港客串個幾月，取得四場頭馬。