年僅18歲嘅人氣偶像橋本環奈，近年上位後吃香藝能界，今年夏天會有佢拍住小栗旬、長澤正美、菅田將暉等紅星合演嘅真人版電影《銀魂》，橋本環奈飾演女主角神樂放下偶像包袱，佢更忠於原著為角色挑戰古怪動靜，包括反住眼挖鼻哥窿嘅戲份日前已首度曝光。

橋本環奈近日更把招牌嘅玉女長髮剪短，為7月開播富士電視台新劇挑戰女警角色，預料下半年其人氣可再度飆升。橋本環奈已經大個女，有出版社就睇中佢有豐滿身材，打算斟佢接拍首本性感寫真集，由於橋本環奈甚少露肉，更未拍過水着寫真，目前已有兩間大型出版社開出優厚條件，以1億日圓（約700萬港元）利誘佢推出寫真集嘅機會，如果橋本環奈肯僅以雙手遮胸拍寫真，估計可大賣20萬本，挑戰乃木坂46主將白石麻衣累積20萬本嘅大熱寫真集《Passport》。