日本女星柴崎幸一向都演靚女角色居多，但係佢近日就搲爛塊面，演出由出名玩血腥嘅導演三池崇史執導、歌舞伎男演員市川海老藏主演嘅新片《喰女》。

該片係改編自日本著名恐怖小說《四谷怪談》，柴崎幸喺片中演女鬼阿岩，有個鏡頭要佢將自己面部及右眼抓爛，相當核突！

柴崎幸仲好似貞子一樣咁喺地上爬行，塊爛面睇落仲恐怖過貞子。但呢套戲亦令柴崎幸吃足苦頭，因為化呢個爛面妝，每日要花4個鐘0架！