「姑娘都話今日係我嘅大日子，我除咗開心之外，其實亦都有啲驚，驚會有排斥同埋化療嘅副作用，會令我嘴唇同條脷潰爛，不過我好有信心可以好番。」阿民在接受骨髓移植手術前一刻對記者說。
去年初一獲悉惡病
其後，醫護人員為阿民打了一支抗敏感藥，再將象徵生命之源的一百七十毫升骨髓徐徐輸入他體內，整個過程不消半個小時便完成。主診醫生李國維表示，手術後首半年為關鍵期，其間約五成機會出現不同程度排斥，完全康復機會則有五至六成。
「其實一啲中度排斥對佢嚟講都會有一定好處，因為喺排斥過程中，啲癌細胞會同時受到壓抑，復發嘅機會相對亦會減少。」李醫生續稱，阿民約需留院兩個月，出院後需定期覆診及服食抗排斥藥，兩至三年內沒有復發，便算進入穩定期。
阿民表示，雖然近來消瘦了六、七磅，惟精神尚算不錯，只是間中會因化療的副作用影響而屙嘔，然而小小苦楚卻可換來重生的機會，阿民坦言十分化算。回想去年頃接患癌噩耗時的情景，阿民顯得感觸不已。
「我記得我喺舊年年初一喺醫院知道得到呢個病，估唔到今年年初一又要喺醫院度過，不過今次就係好消息，好多嘢真係整定嘅。」阿民語帶欷歔地說。