韓劇《沒關係，是愛情啊》女星孔孝真嘅時裝品味，一直備受外界認同，加上佢1.72米嘅模特兒身高，能輕易駕馭唔同衣着。

近日，孔孝真出席其首個主演話劇《EducatingRita》嘅製作發佈會時，就穿上AquilanoRimondi嘅2014秋冬新裝，以啡色領嘅白色襯衫，連啡色V領高衩羊毛連身裙示人，再配黑色短襪同復古平底牛津鞋，展現文靜優雅嘅氣質。

另一邊廂，早前忙於拍攝荷李活猛片《復仇者聯盟》續集嘅女星秀賢，喺近日一個香水品牌嘅活動上，同樣以呢條AquilanoRimondi嘅V領高衩羊毛連身裙示人，不過秀賢就無着件白色襯衫，就咁單穿連身裙大騷事業線同長腿，再以簡約嘅首飾作點綴，展現有別於孔孝真嘅性感美。