當年今日

  許家屯都俾人偷聽過 - 李八方

蘋果日報 2002/01/21 00:00


大千世界無奇不有,間諜世界更是無孔不入,但堂堂中國國家主席嘅專機都俾人裝咗偷聽器,重裝到埋牀頭,咁就確實離譜,誇張到好似拍戲咁。
講開偷聽器,八方曾經聽過個故事,話說好多年前,許家屯喺香港新華社做社長後期,有次無意中都發現自己嘅辦公室電話俾人裝咗偷聽器,結果大發雷霆,叫咗新記保安部阿頭去訓話一番,但就查嚟查去都查唔出係乜嘢人安裝嘅,事件後來不了了之。不過,許老社自己心知肚明,肯定係自己友籠裏雞作反,有人要監視佢嘅行動,於是冇耐即刻走頭。所以話,間諜呢家嘢遍地都係,屬邊個堂口,係何方神聖,邊個話得埋?


E-mail:[email protected]