冠軍馬房蔡約翰的副練羅富全今季升正開倉，周日（9月3日）沙田開鑼戰，他首度以練馬師身份派馬出賽。羅廐現時賽駒中，不乏來自前波士蔡約翰麾下，包括「安友」和「安荃」。

「安」系馬主理人王忠秣是蔡約翰的長期支持者，近年亦有部分馬支持蔡約翰的徒弟容天鵬。目前「安」系馬只剩下「安駒」留在蔡廐，該駒出戰開鑼日第八場二班1400米，蔡約翰當希望可及早讓此駒贏馬交代。

蔡廐上季自購馬「安駒」，來港前一仗勝出2016年德國二千堅尼，有09年此賽冠軍「魔法幻影」前車可鑑，來港後勝出G2馬會盃，兼在國際賽G1香港盃僅敗得第二，可見「安駒」來港插二班90分亦合理。

今年1月在港初出跑谷草1650米得第四，當時狀態未足亦輸近，實力絕不簡單，但賽後被驗出右腳不良於行，所以跑過一仗便提早唞暑。

不過，「安駒」5月已復課，6、7月由莫雷拉兩試大閘，名次非冠即亞，暑假後隨即復課，8月底再試多課泥地閘，既可抵得住勤操，反映健康已無大礙，雷神霸住帥權都俾晒貼士。

睇番今場不少對手似是而非，「加州議長」閹完排劣檔，「恆駿寶駒」及「太陽喜喜」勝後升至高分位要消化，「安駒」這匹暗牌馬有權掃晒，趁仲有賠率買定先冇衰。