馮盈盈(Crystal)噚晚攞完香港小姐冠軍之後，今日就被爆出喺fb爆粗鬧建制同不公義嘅事。今日晏晝佢接受訪問時話，當時自己少不更事，所以有比較激烈嘅情緒，不過都係因為「愛之深、責之切」。

大台嘅新聞報道都有訪問Crystal，提及港大副校任命一事，Crystal回應話：「學生們係整個學校嘅根基，所以我覺得喺校委會入面增加多啲學生代表，可以令校委聆聽，接納到我哋嘅聲音。同埋可以一個開明啲，包容啲嘅態度，去對待我哋學生們嘅意見。」

報道中Crystal淨係回應咗溉大副校任命一事，但係就冇回應到被人搵返佢爆粗鬧特首，鬧建制嘅事。

除此之外，「香港培青社」fb page管理員，傲飛翔話：「粗口滿天飛，港姐馮盈盈X女不如！」仲話：「培青社號召建制網媒全面針對今屆香港小姐黃絲馮盈盈！」

咁都得？馮盈盈今次真係喺兩日入面經歷晒人生高峰同低谷。