下年有超級英雄電影《死侍：不死現身》（Deadpool）上映嘅美國男星賴恩雷諾士（RyanReynolds），同太太碧琪麗芙莉（BlakeLively）育有7個月大女兒James，近日佢登上名嘴ConanO'Brien節目度受訪，就大呻個女當佢冇到，淨係記得叫「媽咪」，賴恩話：「B女講嘅全部都係關於阿媽，我對佢嚟講好似死咗一樣。」佢解釋話因為碧琪係餵奶嘅人：「呢個係唔公平嘅優勢，乳房係一個生命儀器，細路仔一定會靠向乳房，我只係個冇乳房嘅垃圾徘徊於房間。」完全聞到賴恩係幾咁葡萄！