堪輿家蘇民峰與黃芳雯（Paula）最近忙於拍攝香港開電視全新節目《搵陣》，今日兩人到尖沙嘴分享拍攝經歷，他們先後走訪不少藝人家居作實地研究，蘇師傅指以往甚少藝人肯公開家居作拍攝，他說：「今次好多藝人都唔介意間屋細啲亂啲都肯上鏡，我就即場教佢哋要注意啲乜，點擺陣，觀眾都可以跟自己情況去做。」走訪多間藝人家居，蘇師傅指李日朗（Don）屋企風水最好，達90分，阿Don也透露遷入1年左右，運程明顯有轉好，另外黃澤鋒家的風水問題則犯了其中一個大忌，便是大門對廚房，對健康有點不利。

身為拍檔的Paula也笑言在節目中有大收穫，因為她剛收樓的獨立屋邀得蘇師傅看風水，蘇師傅說：「佢屋企間隔冇乜問題，加上又可以畀觀眾睇下屋企有幾層嘅話，風水又會點。」Paula表示最關心是家中健康位，其次是小朋友學業的文昌位，再者是丈夫的財運位，Paula透露得到師傅指點後，近日正尋找裝修師傅，為新居裝修。

-----------------------------

《蘋果》英文版免費試睇：了解更多

英文版已登錄《蘋果》App，立即下載/ 更新：iOS / Android

-----------------------------

支持蘋果深度報道，深入社區，踢爆權貴，即Like蘋果專題及調查組FB專頁！